(¯°•._الامـــــــــيرة و الفارس ...الـجـزء الـرابـع _.•°¯)

ها نقول وبسرعة الجزء الرابع

طبعاااا كلنا عاوزين نعرف ايه اللى حصل بعد كدا

وايه السى دى اللى كان فى ايد فارس ده !!؟؟

ها نقول كل حالا وفى الجزء الرابع

يلا بنا نبدا

خرج فارس وخرجت معاه روح اميرة اللى كانت بتطلع فى الثانية مليون مرة... وبعديه دخل الاستاذ وهو بيقول والله مش عارف ايه الشباب اللى مش بيفتكر نفسه غير فى اللحظة الاخيرة

لسة فاكر دلوقتى يدور وعاوز ياخد درس !!!!

اتنفست اميرة ورجعتلها روحها بعد ما اتاكدت ان فارس عمل كل ده عشان يجننها مش اكتر وخصوصا انه فى كلية وهى عارفة كدا يعنى بيعمل كل ده عشان يخوفها وهى اساسا مش ناقصة كفاية المشاكل اللى فى البيت

.....

اتكلم فارس مع صحبه اللى غلطه فى اللى هو بيعمله ده

وقاله طالما انت بتعمل كل ده عشان هى عملت فيك كدا

وانت كل اللى انت عاوزه انك ترجع كرامتك خلاص خليها تتصل بيك وتقولك انا اسفة

وسعتها يبقى انت كدا ربتها بطريقتك وسيبتلها ذكرى عمرها ما ها تنساها

اقتنع فارس برايه وشاف ان الطريقة الوحيدة اللى تخليها تتصل بيه وتعتزرله عن كل اللى قالته وعلمته انه يتصل بمامتها

وفعلااااااااااا

اتصل فارس ومن غير تفكير وبدون ترتيب كلام تانى يوم بعد ما اتاكد ان والداها فى الشغل وان اخوها مش فى البيت وكان مستنى ان مامتها ترد عليه

وفعلااااا

مامتها :- الو ..السلام عليكم

فارس :- وعليكم السلام

مامتها :- ايوة مين !!

فارس :- ممكن اكلم والدة اميرة

مامتها :- ايوة انا مامتها ... مين انت ؟؟

فارس :- مش لازم تعرفى مين انا لان حضرتك مش ها تعرفينى

مامتها :- ااااااه انت بقى اللى بتعمل كل المشاكل دى كلها

فارس :- لا مش انا اللى بعمل المشاكل ... بنت حضرتك هى اللى عملت كل المشاكل دى وسببتلى مشاكل فى كل حتة

مامتها :- ايه ده هو اليومين دول البنت هى اللى بتعمل مشاكل للولد ( بنرفزة )

فارس :- لا السؤال ما يبقاش كدة

السؤال يبقى انا ليه عملت كل ده ؟؟؟؟

مامتها :- اه يا ريت تقولى ليه بتعمل كل ده فينا وفى بنتى وازاى هى اللى سببتلك المشاكل !!

فارس:- حضرتك اانا كنت بكلمها على الموبايل .. وكان بينا قصة حب .. وربنا كان عالم بنيتى واللى جوايا وقد ايه انا كنت ممهد الموضوع فى البيت عندى

وبعد كل ده لقيتها وبكل بساطة بعد ما حضرتك اخدتى منها الموبايل على حد كلامها ....لقيتها بتنسى كل ده وما اكتفتش بكدا

لا ديه راحت قالت لصحابها على كل حاجة وتقريبا كل الاخبار دى وصلت البيت عندى وحصلى مشاكل كتير اوى بسببها

وبعد كدا لقيتها لما بتقابلنى فى الشارع قالت لصاحبتها انى شخصية زبالة

مامتها :- لا طبعا ما يرضنيش انها تسببلك مشاكل

بس برده انت مين وايه المطلوب يعنى !!

فارس :- انا كنت عايز انها تتصل بيا وتعتزلى على الموبايل وسعتها انا ها انسى الموضوع تماما

مامتها :- تعتزرلك ليه ان شاء الله

وبعدين هو انت ما كفكش اللى انت عملته والمشاكل اللى حصلت بسببك

من باباها ومن اخوها ..........

.....

وبعد حوار طويل جداااااااااا بينهم فى التليفون

وصل الموضوع ل

مامتها :- انا يا ابنى ادينى اللى بعتزلك بالنيابة عنها

واحنا اللى متاسفين وما تزعلش من باباها

هو كان بيزعق بناء على ان فيه حد بيعاكس فى التليفون

بس برده اعزره ...

فارس :- خلاص اوك حضرتك الموضوع انتهى خلاص ... عشان بس خاطر حضرتك

مامتها :- انت باين عليك ابن ناس وكويس اهو

امال عملت ليه كدا بس ....!!!!!

ههههههههه

وبعد كدا انتهى الحوار وبكل زوق واحترام بين

فارس ووالدة اميرة

وخلاص اخد فارس قرار انه ما يتصلش تانى ابدا وانه خلاص ما ينفعش انه يعمل اى مشاكل تانى

وخلاص بعد كدا اكيد كرامته رجعتله من تانى

وان مش من السهل مهما كانت البنت جميلة ذى اميرة انها تضحك عليها ويكون لعبة فى ايديها وانه يبقى بالنسبة ليها مجرد ذكرى وخلاص

وانتهت اول جولة بين الفارس والاميرة

بس ما انتهتش قصتنا

وقبل ما ننهى حلقتنا كالعادة لازم نشوقكم للجزء الجاى

لان حصل حاجة صغيرة كدا ضايقت الواد جداااااا

وهى انه وصله رسالة من رقم غريب بتقول

انا لو ندمت على حاجة فى حياتى فهى انى عرفت واحد زبالة زيك

وانا ما كنتش متصوراك كدا

اتنرفز فارس اوى اوى اوى

وعمل حاجة بس من نوع تانى خاااااااااااااااااااااااااالص

واكيد ها نعرفها فى الجزء الخامس

بس قبل كدا لازم نسالكم كام سؤال كدا على الماشى

>>>>>

يا ترى لو انت مكان فارس كنت ها تكتفى ان مامتها تعتزرلك ؟؟ولا لا ؟؟

ولو انت مكانه ها تعمل ايه بعد الرسالة اللى وصلتك ؟؟ ها تسكت ولا ها تشفى غليلك تانى منها ؟؟ وتنسى وعدك لمامتها

ويا ترى انت لو من اميرة كنت ها تعملى ايه بعد اللى حصل ؟؟

وليه هى عملت كدا من اساسه بعد ما فارس ما سكت ؟؟

ونشوفكم على خير

مرررررررررسى يا كبير
ومنتظرين الباقى بفارغ الصبر

thanks

V.I.P مشاركات : 460 العمر : 33

ثانكس

واميرة دى غاوية مشاكل

هههههههههه ميرسي وردة