(¯`v´¯)-»الأميرة والفارس الجزء السابع(¯`v´¯)-»

الجزء السابع
المقابلة
طبعاا خلاص ما فيش قدام فارس غير كام دقيقة
يا دوب يلبس فيها
وينزل عشان يقابل الناس اللى مستنينه
وتقريبا كل الناس اللى ردت متوقعة حاجات كتيرة اثناء المقابلة
يلا ندخل على طول
سمع فارس موبايله بيرن .. لقاه محمد صاحبه
بيقوله يلا تعالى الناس مستنيه
رد فارس عليه وقاله خلاص انا جى اهو
واثناء ما فارس كان بيلبس جيه فى باله فكرة غريبة شويتين
انه لو راح
اولا هو عارف ان كل اللى موجودين ها يغلطوه هو
وهو اكيد مش ها يسكت عن كد ااا
ولو اتكلم
اكيد والد اميرة مش ها يسكت وممكن تحصل حاجات ترجع تخليه يندم انه راح ويحصل مشاكل كبيرة اوى
وده كان راى صحابه اللى نصحوه ب انه ما يروحش اصلا
لان والد اميرة مضايق جدااا ومتنرفز من اللى حصل
بعد الكلام اللى اتقال على بنته
وبعد ما بنته تقريبا اتفضحت لان ما كنش فيه داعى ان حد غريب يخوش فى الموضوع
بس فارس ما لوش ذنب هى اللى راحت لباباها
ودخلت صحبه فى الموضوع
قال يعنى هى كدا وقعته وما تعرفش انها كدا فضحت نفسها بنفسها
وفى نفس الوقت كان فارس عاوز يبعت رسالة لوالدها ب ان الموضوع ده كله مش فى دماغه وانه عمل كل ده بس عشان يوضحله ان بنته مش ملاك ذى ما هو متصور
ف مش ضرورى انى اقابلك
وفعلاااا نفذ فارس كلام صحابه بعد ما اتاكد انه صح
وبعد ما لبس ونزل رجع البيت تانى
وجاله اكتر من ميسد كول من صاحبه ولما رد عليه
محمد :- انت فين يا عم انت الناس مستنيه (بنرفزة وعصبيه )
فارس :- انت بتزعقلى ليه ؟ّ!! مش انت السبب مش انت اللى حكيت كل حاجة
محمد :- انت جى دلوقتى تقولى انت السبب ....طب يلا يا محمد انا مستنيك تحت البيت
فارس :- لا ما انا مش ها اجى
محمد :- نعم ..... مش ها تيجى انت بتستعبط الراجل مستنيك على نار يا فارس مش ها ينفع خالص ما تجيش
فارس :- شوفت بقى اديك انت قولت على نار
يعنى ما حدش ضامن اانا لو جيت ايه اللى ممكن يحصل ...
وبعدين هو اكيد مش ها يعديها بالساهل ويشوفنى وما يعملش حاجة
اكيد ها يقول كلام مش ظريف
وسعتها اانا برده مش ها اسكت وها اقول كل حاجة عن بنته قدام كل اللى موجودين
محمد :- تعالى بس وربنا يسترها من عنده
فارس :- انت كل اللى يهمك انى اجى .. هو انا مش صاحبك يا عم ولا ايه !! خاف عليا شوية
محمد:- يا عم مش ها يحصل حاجة انا متاكد ان شاء الله
فارس:- ماشى انا جى
محمد :- انا مستنيك ما تتاخرش عشان ما تصغرش بابا قدام الناس
فارس :- ماشى ماشى اقفل انا جى خلاص
وبيقفل فارس السكة وبعديها على طول بيقفل الموبايل
واللى فى دماغه فى دماغه
عدى الوقت بصعوبة اوى وكأن الثوانى بقت ساعات
جت الساعة 11 فتح موبايله
لقى اكتر من رسالة من محمد صاحبه
وكان باين عليه انه زعلان اوى منه ومعظم الرسايل مضمونها
ان عيب اللى هو بيعمله ده وهو كدا سببله مشاكل كتير
تانى يوم فارس قابل محمد
وكان باين على محمد انه متنرفز اوى
محمد:- عجبك اللى انت عملته امبارح انا غلطان من البداية انى سمعت كلامك ودخلت نفسى فى الحوار ده وانت اصلا عيل مش قد كلمتك
فارس :- والله بلاش تتكلم عن المعيلة مش انت برده اللى قولت لابوها على كل حاجة حتى الصور والمكالمات ...
عاوزنى اروح اقابله ازاى .!!
وبعدين وانت مالك يا عم انا لا صغرت والدك ولا صغرتك برة عنكو الموضوع ده
محمد :- امال دخلت بابا فى الموضوع ليه وخليته يدى كلمة للناس
فارس :- انا اللى دخلته يبنى انا لقيته الساعة 4 الفجر واقف قدام بيتى وحضرتك معاه يعنى انا ما دخلتش حد
وكل اللى طلبته منك انك تقول كلمتين
ما كنش بقى لازماها انك تشردنى وتحكى على كل كبيرة وصغيرة
كان ممكن تخرج منها يعنى بكل سهولة
محمد :- يا عم انا غلطان وبابا غلطان
ومشى محمد لما حس انه فعلاااا غلطان
وان اللى عمله فارس ده هو الصح
بعد ما وصل رسالة بعتها معاه والد اميرة لفارس
والد اميرة :- يا ريت توصل لصاحبك بعد كل اللى عامله ده وبعد ما صغرنى وصغر الناس اللى قاعدة ديه انى والله ما ها اسيبه
وانا ها اعرف اتصرف معاه ازاى عشان مش حتة عيل ها يضحك علينا ......انا ها اعرفه هو مين .....
ومشى والد اميرة وهو مضايق ومتنرفز اوى من الحركة اللى عملها فارس
وبعد ما فارس سمع الكلام ده قرر ما بينه وبين نفسه انه خلاص استحالة يتكلم فى الموضوع ده تانى
وانه ها يشيله من دماغه خالص
وانه استحالة استحالة ها يعمل اى خطوة تانى مهما حصل
وفعلااااا بدات تعدى الايام
على فارس وكانها سنين ماهو مش قادر يشيل حبيبة قلبه من باله
بيفكر ياترى ايه اللى حصل فى البيت بعد اللى انا عملته
ويا ترى هى بتقول عليا ايه دلوقتى ؟؟!!
وياترى خلاص هما كمان نسوا الموضوع
واميرة نسيتنى .... ولا لسة بتفكر فيا
ولو فكرت فيا ها تفكر فى ايه !!
كل ديه اسئلة وكلام كان بيدور فى عقل فارس كل يوم
ورغم كدا عمره ما فكر انه يعمل اى حاجة تانية
وبعدى اسبوع واتين
وبيتفاجا فارس بعد ما فتح باب الشقة
انه سامع صوت غريب جوه
وتقريبا الكلام كله عليه
وعلى اميرة
فيه صوت جوه مع مامته صوت هو سمعه قبل كدا بس مش فاكره
بيجرى فارس على جوه وبيتفاجا اول ما بيشووووف
................
ونكمل فى الجزء التامن
وذى ما اتعودنا
اننا نجاوب على الاسئلة
يا ترى مين اللى قاعد مع مامته .؟؟!!
وايه اللى فكرهم بعد كل الايام ديه بفارس ؟؟!!
وياترى انت لو مكان اميرة ها تقول ايه على فارس بعد اللى عمله مع والدها ؟ّّ!!
وانت مع اللى عمله فارس ولا لا ؟؟!!
واشوف ردودكم واجابتكم
ونكمل فى الجزء التامن واللى ها تبقى فيه مفاجاه كبيييييييييرة اوى
بااااااااااااااااااااااااى

ثاااااانكس ومنتظرين البقيه

merci

V.I.P مشاركات : 460 العمر : 33

ثانكس على الحلقة

واكيد اللى موجود مامات اميرة

والكلام اللى اميرة هتقولة انة من الاخر واطى سورى فى الكلمة

ثااااااااااااااااااااااااانكس