(¯`v´¯)-الأميرة والفارس الجزء التاسع»(¯`v´¯)-»

الجزء التاسع
ــــــــــــــــــــــــــ
مرت ايام كتير على فارس وهو مش عارف ياترى يفرح ولا يحزن
يحزن على حبيبته اللى فى حياتها واحد غيره
ولا يفرح على الكلام اللى اكيد وصلها من مامتها بعد ما عرفت واتاكدت من زوق واحترام فارس
والاكيد حبه لاميرة
بعد ما قدر انه يفهمها ليه هو كان بيعمل كدا
مع انه عارف ان كتير اوى ممكن يغلطه على اللى عمله بس ده لسبب واحد بس
مش عشان هو غلطان
لا
عشان هما مش حاسيين بحبه فى قلبه ولا حسين بنار الفراق
مرت الايام وفارس مش فى باله غير اميرة وحكايته معاها
جواه ما بقاش فاهمه مش عارف يحبها ولا يكرها
مش قادر
حاسس ان حياته مرتبطة بيها مع انها بعيدة عنه
موبايله بيرن بس مش مصدق نفسه
ده رقم اميرة واللى بقاله فترة طويلة مقفول
وبيرن عليا
لالالا
اكيد انا بحلم بس يا رب ما اصحى من حلمى
واللى اتمنيت انه ولو للحظة يبقى حقيقة
حاسس باحساس مش جديد عليه
هو هو نفس الشعور اللى جواه لما بيلمحها ولو من بعيد لبعيد
ماسك الموبايل بايده اللى بتترعش
مش عارف اازى ها يرد
شايفها قدامه بتبتسم ومستنياه يرد عليها
بيفتح الخط ويسكت
وهو سامع صوتها بيقوله
الو
الو ...... الوووو
ايوة وهو مش مصدق نفسه .. مين معايا
اميرة :- ايه مش فاكر صوتى
فارس :- ......... سكوووووت
اميرة :- الوو انت معايا .. فارس
فارس :- ازاى مش فاكره وانا اللى مش بحلم غير بيه
اميرة :- هههههه ماشى الحمد لله ..عامل اايه !!
فارس:- ياااااااا لسة ضحكتك ذى ماهى ارق واحلى واجمل ضحكة سمعتها
اميرة :- ههههههههه طب كفاية كدا .. انت عامل ايه
فارس:- اكيد اسعد واحد فى الدنيا وانا بكلمك
اميرة :- ايووووا يا فارس ...... انا لحد دلوقتى مش قادرة افهمك خالص
فارس:- ليه ؟؟!
اميرة :- ليه .. عشان انت كلامك غير افعالك خالص
انت عملت حاجات خلتنى تمر عليا ايام كنت من جوايا بكرهك ...
حاجات كانت بتخلينى اعرف اكبر ندم فى حياتى وهو انى عرفتك
ولما بكلمك بحس انى بكلم ارق واحد واكتر واحد ممكن يسمعنى احلى كلام ...
طب ليه .؟؟ّّ!!
فارس :- ليه ..عاوزة تعرفى ليه يا اميرة !!
ها اقولك ليه ..
عشان ما تبقيش لحد تانى غيرى ...
عشان ما تقدريش تكلمى حد تانى بعدى ..
واوعك تفكرى انى لما كنت بعمل كدا كنت ببقى فرحان ...
لا بالعكس انا كنت ببقى من جوايا مضايق اوى
وببقى خايف عليكى جداااا ...
بس كل مشكلتى انى لما كنت معاكى ماكنتش اعرف انى بحبك اوى وان بعدك عنى ها يبقى بالنسبة ليا موووت
اميرة :- انا اول مرة اسمع الكلام ده يا فارس !!!!!
فارس :- ذى ما بيقولوا ان لما الواحد بيموت بيعرف اوى وبيقدر قيمة الحياه
وانت بالنسبة ليا كل حياتى
اميرة :- فاااارس !!!! كل ده كنت شايله جواك ومخبيه .... يا قلبك يا فارس ...هههههههه
فارس :- واكتر من كدا بكتير
اميرة :- طب ممكن اسالك سؤال ؟! بس تجاوبنى بصراحة
فارس :- اسالى ..
اميرة :- انت طول الفترة دى ما حبتش واحدة تانية
فارس :- طب اقولك ايه واكيد انت عارفة الاجابة
اميرة :- عاوزة اسمعها منك
فارس :- طب احب ازاى وانا قلبى مش ملكى وعينى مش بتشوف غيرك
بمشى بدور عليكى وسط الناس ومش بلاقيكى ..
ولو يوم شوفتك فيه ..صدقينى ببقى نفسى اصرخ وباعلى صوتى واقولك بحبك
اميرة :- يااااااااا فارس انت عارف انت بتقول ايه !!
فارس :- لا مش عارف ده الكلام اللى فى قلبى ولسانى بيترجمه ليكى عشان تفهمى وتعرفى انا بحبك قد ايه ..
اميرة :- سكوووووووووووت
فارس :- طب ممكن انا اسالك سؤال
اميرة :- بعد اللى انت قولته تسال اى سؤال
فارس:- انتى فيه حد دخل حياتك بعدى
اميرة :- لا ... اازاى بعد اللى انت عملته كنت ممكن افكر انى اعرف حد
فارس:- طب مين اللى مامتك بتقول عليه انه انا
اميرة :- والله ما اعرف مين .؟؟
فارس :- اميرة انت بتحبينى
اميرة :- .............. ما كنتش اتصلت لو الاجابة لا
فارس :- طب ليه عملتى كدا وليه بعدتى عنى بين يوم والتانى من غير ما اعرف السبب
اميرة :- السبب لانى عمرى ما حسيت انك بتحبنى
فارس :- يمكن نكون ما بنقدرش الحاجة غير لما بتضيع مننا
بس انا عمرى ما حبيت حد غيرك
اميرة :- بجد يا فارس
فارس :- بجد .... يااااا يا اميرة اقل كلمة ممكن اقولهالك هى بحبك يا اغلى عندى من الدنيا وما فيها .. والله لو عيشت مليون عمر على عمرى
عمرى ما ها احب غير اميرة واحدة بس وهى اميرتى يا اميرتى
اميرة :- بحبك يا فارس
فارس :- ياااااااااااااااااااااااااااااا
اجمل كلمة سمعتها فى حياتى واللى عشت احلم بيها وفكرتها حلم وعمره ما ها يتحقق
اميرة :- هههههههههه كفاية كسوف بقى
فارس :- ههههههههه يا خرابى على ضحكتك ملاك بيضحك
اميرة :- هههههههههه
فارس :- اميرة انا نفسى اشوفك
اميرة :- مش اكتر منى ... والله
فارس :- طب امتى ...!!
اميرة :- بعد بكرة
فارس :- بجد
اميرة :- اه بجد ... بس ها ابقى اتصل بيك قبليها عشان اكدلك على الوقت
ودااااااار حوار طويل عريض رومانسى جداااا
وانتهى بميعاد واللى كان بيحلم بيه فارس
وما كنش مصدق نفسه
معقول ديه حقيقة
طب لو حلم انا مش عاوز اصحى منه ابدااااااا
ان شاء الله اموت بعدها
بس افضل عايش فى اجمل حلم حلمت بيه
وبيمر ابطئ يوم على قلب فارس واميرة واللى سعاته بتمر ولا كانها سنين
واللى نفسهم فى لحظة ال لقى
ظهرت مشكلة واحدة قدام فارس وهى شلته
واللى كانوا ضده جداا
وحاولواا كتير انهم يقنعوااا بانه ما يروحش
وانه بكدا بيضيع كرمته تماما معاها

الشلة :- وانت ايه اللى عرفك ان ده مش مقلب
فارس :- اسكت منك ليه مش عاوز اسمع منكوا ولا كلمة وانا غلطان انى حكيت لانكم استحالة ها تفهموا اللى جوايا
الشلة :- نفهم ايه .. ديه واحدة سابتك وانت اتعذبت فى بعدها وعشان هى عارفة كدا حبت تعذبك اكتر وتجرحك اكتر ..
وانت بالنسبة ليها مجرد لعبة يوم ما تسيبك تسيبك ويوم ما تعوز ترجعك اديها رجعتك
فارس :- قولوا اللى تقولوا انا متاكد انها بتحبنى
واستحالة ها تقدر تسيبنى تانى لانها اتعلقت بيا جامد انا حاسس بيها
الشلة :- وناوى ان شاء الله تعمل ايه ؟؟!!
فارس :- هاتعرفوا فى وقتها
الشلة :- انت ناوى على خطوبة وكدا
فارس :- ها تعرفوا فى وقتها
وروح فارس وهو بيقول لنفسه
خلاص ها اقابلها بكرة
ها اشوفها بكرة
روح البيت دخل اوضته شغل اغانى واقعد يسرح فيها وياترى ها يقولها ايه وها تقوله ايه .. ... وبرده بيفكر فى كلام صحابه يا ترى هما صح وانا اللى غلط
وهى ها تسيبنى تانى ولا اصدقها المرة دى واصدق انها بتحبنى
مش عارف ... ما انا استحالة اسيبها تجرحنى تانى ابدااا
ولو لازم حد فينا يجرح التانى يبقى لازم انا اللى اجرحها مش هى !!!!!
بيغمض فارس عينه ومش بيحس بحاجة غير وهو خلاص نازل يقابلها
ماشى فى الطريق بيغنى عاوز الدنيا كلها تسمع غناه
قلبه بيدق ها يتخلع من مكانه اول ما بيشوف عيون حبيبته قدامه
مستنياه وهى بتبتسم
بيبتسملها وهو بيدارى فرحته فى عينه بس ويخبى ليه
اول ما وقف قدمها
فارس:- انا اكيد اسعد واحد فى الدنيا دلوقتى
اميرة :- هههههههه انت بكاش اوى
فارس :- بكاش .. ههههه لا والله مش بكاش ده بس عشان من كتر حبى مش قادر ادارى فرحتى
اميرة :- طب ممكن تقول الكلام الحلو ده واحنا قاعدين بدل ما حد يعدى ويشوفنا
فارس :- ههههههههههه عندك حق
ودخل فارس واميرة كوفى شوب
قاعدين قدام بعض كل واحد بيبص لعين التانى وهو شايف سعادة ما بعدها حدود
فارس :- اوعك تقولى بكاش ديه تانى ... ايوووووه ده انا قاعد مع القمر بنفسه
اميرة :- ههههههه تانى
فارس :- لا بجد المرة ديه بس عاوز اقولك حاجة
اميرة :- ايه هى الحاجة
فارس :- انك اجمل واحدة انا شفتها ف حياتى وانا بحسد نفسى دلوقتى وانا قدام العيون دى
اميرة :- ههههههه طب كفاية طيب
فارس :- طب ممكن اسمعها منك دلوقتى
اميرة :- هى ايه ؟!!
فارس :- انت عارفة هى ايه .... الكلمة اللى كتير حلمت اسمعها وفكرتها حلم صعب انه يتحقق
اميرة :- طب ما انا قولتهالك فى الموبايل
فارس:- ياستى انا طماع وعاوز اسمعها دلوقتى من الشفايف دى
اميرة :- ههههه بحبك استريحت
فارس:- ايه سمعينى تانى كدا ماخدتش بالى
اميرة :- بحبك يا فارس
فارس :- هههههههه ... يااااا ده انا استنيت كتير اوى اللحظة دى
اميرة :- طب وايه مش ها تقولها انت كمان
فارس :- ما انا قولتهالك كتير اوى بس بينى وبينك كفاية عليكى اوى كدا
اميرة :- كفاية ...ههههههه هو ايه اللى كفاية
فارس :- بتضحكى ... ايوة كفاية
كفاية انى اقول بحبك لواحدة ما تستهلهاش
كفاية انى ادفع من كرامتى وقلبى تمن حاجة انا ما عملتهاش
كفاية انك تحسى انك الاميرة بجد وانا مجرد فارس ..من ضمن الفرسان اللى دايما الاميرة بتتغلب عليهم
لا المرة دى الفارس طلع اذكى من الاميرة
عرف ازااى يخطف قلبها بجد
اميرة :- فارس انت بتقول ايه ..!!
فارس :- بقول الكلام اللى كان لازم يتقال من زمان اوى
الكلام اللى استنيت كتييير اوى عشان اقولهولك
عارف انى كان ممكن اقولهولك فى الموبايل
بس
لا لا لا لا لا
قلبى اتعلم خلاص القسوة منك
مبروك طلعتى استاذة شاطرة اوى
علمتى قلبى ازاى يقسى ... علمتى قلبى ازاى يجرح
علمتى قلبى ازاى يدوس على اى حاجة حتى لو كانت قلبك
ما هو مش ها يفضل طول العمر ينجرح
لا كفاية اوى لحد كدا
وكفاية انى استنيت كتير اوى
عشان اقولهولك وانتى قاعدة قدامى
مكسورة مجروحة ودامعتك فى عنيكى
اميرة :- (( وهى بتحاول تمسح دموعها )) يعنى انت جايبنى هنا عشان تقولى كدا يا فارس
فارس :- بسسسسسس اوعك تنطقى اسمى بعد كدا .... ايه انت مش بتزهقى من لعبة الطيبة ديه ... لسة مفكرة انك ممكن تضحكى عليا تانى
فوقى بقى من اللى انت فيه ده
فوقى ...... فوقى
خدى ... ادى صورك .. والمكالمات انا مسحتها
وياريت ما شوفش وشك ده ولو صدفة فى الشارع تانى
واوعدك انك ها تعيشى طول عمرك فاكرة اللحظة ديه
ايه مفكرانى انى ممكن اسامحك على اللى عملتيه معايا ومع غيرى
اعتبرينى بانتقم بس مش ليا بس لا ... لاى حد جرحتيه فى يوم من الايام
دوقى بقى طعم الجرح .. وامسحى دموع التماسيح ديه
صدقينى ما عدتش تاثر
كان زمان يا ................... اميرة
اميرة :- وهى مش عارفة ترد على كل الكلام اللى اتقال او مش فاضية لان دموعها غرقت خدودها
بيبصلها فارس من تحت لفوق
وبيقولها
صدقينى انتى فعلااا اكتر انسانة انا حبيتها
وف نفس الوقت اكتر انسانة انا بكرهها
وذى زمان ما كنت بحلم انى اقابلك ان شالله صدفة
دلوقتى بحلم
وبتمنى
انى ما شوفش وشك تانى ابدا طول حياتى
وبيمشى فارس وهو رافع وشه لفوق
وسايب اميرة غرقانة فى دموعها
وبينتهى الجزء التاسع بس مش بتنتهى قصتنا
لسة فاضل الجزء الاخير من الاميرة الفارس
ها نشوف ايه اللى ها يحصل
وايه رد فعل اميرة بعد الكلام اللى سمعته من فارس
وياترى فارس ها يسكت على كدا ولا ها يعمل اى تانى..
واوعدكم بمفاجااااااااااااااه كبيرة جدااا فى الجزء الاخير

ثاااااانكس ومنتظرين البقيه

merci

V.I.P مشاركات : 460 العمر : 33

بقلق قوووووووووووووووووووى من مفاجاتك يا حسن

ياخوفى تطلع زى القصة الاولى بس بجد حلقة حلوة قوى وصعبة قوى

ربنا يستر