(¯`v´¯)-»الجزء الأخيررررررررر(¯`v´¯)-» من الأميرة والفارس(¯`v´¯)-»

النهاااااااااية
عارف انى طولت عليكو
بس اعزرونى ...
نكمل اخر حلقة فى الاميرة والفارس
كلنا قرينا وشوفنا الكلام اللى قاله فارس لاميرة حبيبته
اللى ما حبش غيرها ..
واللى اتمنى كتير انها تتقرب منه
بس الغريب انها لما قربت منه اوى
وحس بيها وقالتله بحبك كان هو اول واحد يجرحها ...
ومش عارفين هو عمل كدا ليه ...
!!!!
ساب فارس اميرة وهى دموعها على خدها ...
وما كنش سهل عليه ذى ما احنا فاكرين بالعكس ..
كانت اصعب لحظة انه يسيبها بالمنظر ده
وهو شايف دموعها مغطية وشها ...
مشى وكل خطوة بتقوله ارجع ليها ...
ها تحن ليه ...
بلاش تفارقها ...
بلاش تجرحها ديه حياتك ..
ديه كل اللى ليك
كل ده كان كلام
قلبه
بس عقله وكرامته كانوا بيقولوا كلام غير ده
مش ديه اللى جرحتك ولا همها جرحك وكنت ذيك ذى غيرك ...
خليها تدوق طعم الجرح
خليها تعرف معنى الخيانة والالم والدموع
خليها تسهر الليل تداوى الجروح
وانت عارف بلاش تكدب على روحك انكم لازم ها تبعدوا عن بعض
وانها مش ممكن تكون ليك
يبقى سيبها وانت المنتصر احسن ما تكون مهزوم مجروح ..

روح فارس واقفل عليه الباب وفكر فى كل كلمة قالهالها ...
وياترى هى عاملة ايه دلوقتى وبتقول ايه عليا ...
بعد اللى قولته
اكيد هى عمرها ما ها تفكر انى عملت كل ده عشان بحبها
ومش قادر احط عينى فى عينها بعد اللى كنت بسمعه عنها
وبعد اللى حصل منها
والرسايل اللى كانت بتبعتهالى انى ازبل شخصية هى ممكن تكون قابلتها .... كان لازم اعمل اى حاجة ارد بيها كرامتى ...
وماكنش فيه اى حل غير كدا
وف اللحظة ديه ندم على اللى قاله
معقوووووووووووووول
اول مرة اجرحها واشوف دموعها ...
يوم ما تقولى بحبك وهى باصة فى عينى
سرح فارس كتير ومر وقت كتير وهو لسة بيفكر فيها
زهق فارس من كتر التفكير فيها
نزل يقابل صحابه
وهناك
وبعد ما حكالهم على كل حاجة
استغرب فارس لما لقى منهم نقد شديد اوى
على اللى عمله
اللى يقوله :- اى اللى انتا عملتة دا .. ازاى قدرت تعمل كدا .. ولية .. مفيش حاجة اسمها كرامة يا ابنى فى الحب
واللى يقوله :- انتا لية طيب مستغلتش المقابلة دى انك تكلم اميرة براااحة وتفهم منها وتسمع منها وتسمعك وترجعوا لبعض
واللى قاله :- انا معاك ف اللى انت عملته لانها تستاهل
لقى صحابه فيه منهم اللى معاه وفيه منهم اللى ضده
ما بقاش عارف هو صح ولا غلط
سابهم وهو جواه منتصر حزين
بدء فارس يعيد ويفكر تانى فى اللى هو عملة وبدء يحلل كل لحظة كان فيها مع اميرة فى الكافى
..............................
اما اميرة
اميرة بعد ما كانت غرقانة قى دموعها مش مصدقة ان فارس يعمل كدا
ومتخيلتش ابدا ان يجى عليها يوم وحد يخليها تبقى بالشكل دا
بدت تبص لفارس من نظرة تانية .. نظرة ان قد اى فارس انسان مش سهل
وبدئت تفتكر كلااام والدتها على فارس ..

وبدئت تفكر فى شخصية فارس .. ورغم الحركة اللى عملها فيها بدء يشغل بالها وقلبها اكتر واكتر ..
اما الفارس
بدء يتغير احساسه
ويتبدل من الفرحة
للندم
واثناء ماهو قاعد بيفكر
سمع صوت رنتها على موبايله ...
جرى على الموبايل وشايف الرقم والاسم بعينه
وبرده مش مصدق نفسه
معقول هى بتتصل بيا ..
طب ليه وعاوزة ايه بعد اللى حصل ..
رد فارس ومن غير ما يقول حتى الو
اميرة :- اسفة لو كنت بتصل بيك مع انك قولتلى مش عاوز تسمع صوتى تانى
معلش يا سيدى تعالى على نفسك واستحمل الكام دقيقة دول
بتتكلم ( بكل هدوء )
فارس :- سكوووووووت
اميرة :- ميهمنيش انت عملت كدا ليه او قولت كدا ليه ..!!
بس كفاية انى خسرت الرهان مع نفسى عليك
لانى صدقت انك حبتنى قى يوم
وماكنتش اتخيل ابدا انك بتعمل كل ال عملته ده عشان تنتقم بالنظر ده

فارس :- انا عمرى ما خطر فى بالى انى انتقم منك
بس انت السبب فى كل ده
اميرة :- انا السبب....
انا ما عملتش اى حاجة وحشة فيك ...
بالعكس انت اللى عملت كتير اوى
ومش بس اللى اقصده اللى انت عملته النهاردة وبس ...
لا لا لا
فارس :- ياريت تتكلمى بوضوح شوية وبلاش لف ودوران
اميرة :- مش انا اللى بلف وادور يا فارس
مش انا اللى بتصل فى بيت بنت واقول الكلام اللى انت كنت بتقوله
مش انا اللى بضحك على واحدة وافهمها انى بحبها ...
وكل ده عشان انتقم منها
مش انا اللى بمشى ورا اى كلام بسمعه من غير ما اتاكد بنفسى
فارس:- انت جاية دلوقتى تلعبى تانى دور الملاك .......
اميرة :- انت اللى لعبت دور الملاك مش انا ..
انا عمرى ما جرحتك ولا قولتلك كلمة تزعلك
فارس:- ويوم ما سبتينى من غير اى سبب ...
والكلام اللى كان بيوصلنى والرسايل ....
ايه كل ده نسيتيه وكنت مفكرانى انى ممكن انساه بالساهل
اميرة :- اولا انا ما سبتش حد وذى ما قولتلك قبل كدا انا اللى عمرى ما حسيت انك بتحبنى ...
وللاسف يا ريتنى ما حسيت ..
لان يوم ما اتاكدت انك بتحبنى جرحتنى اوى اوى
فارس:- كان لازم اعمل كدا ...
اميرة :- يا ريت ما تكملش ..
انا عارفة انت عاوز تقول ايه بس اللى بيحب مش بيعرف يجرح يا فارس
فارس:- اللى بيحب وانت حبتينى ...
اميرة :- للاسف يا فارس اه حبيتك ...
(حس فارس بنبرة حزن فى صوتها )
فارس:- طب ما انا عمرى ما حسيت الحب الا بيك ورغم كدا جرحتينى
اميرة :- بس جرحك اكبر يا فارس بكتير اوى واستحالة انه يتنسى او يداوى
فارس:- سكووووووووت
وهو مش عارف يرد يقول ايه
اميرة :- ايه حسيت بالندم دلوقتى يا فارس
بس يا خسارة حسيت متاخر اوى
انا بس عاوزة اقولك على حاجة اخيرة
انا عمرى ما عرفت حد غيرك
وكل اللى انت كنت بتسمعه من صحابك ده كان مجرد كلام
انت عمرك ما شوفتنى واقفة مع حد
ومش كل اللى بنسمعه بيقى حقيقة
والرسايل اللى كانت بتصولك ديه كانت بتوصلك من واحدة صحبتى
لما كانت بتعرف اللى بتعمله معايا فى البيت
فارس:- مش عارف يرد يقول ايه بعد اللى بيسمعه ....
اميرة:- رغم كل اللى انت عملته سواء كان فعل او كلام يا فارس
انا مسمحاك فيه لانى عارفة انك مظلوم ذى بالضبط ...
فارس:- يعنى ايه اللى انت بتقوليه ده
يعنى انت حبتينى ...
طب والكلام اللى كنت بسمعه وكنت بعمل نفسى مش مصدقه مع انى كنت بتعذب بسببه من جواايا
اميرة :- انا عارفة ان الكلام كان بيوجع
بس انت وجعتنى اكتر
فارس:- طب ....
اميرة :- خلاص يا فارس كل حاجة انتهت وصدقنى ها افضل فكراك طول العمر
لانى عارفة انت كنت بتخاف عليا
وانت من النهاردة ها تبقى اخ ليا ده لو ماكنش ها يضيقك
فارس:-....................... بس
اميرة :- خلاص يا فارس احنا عمرنا ما فهمنا بعض
ويا ريت لما نسيب بعض يبقلنا ذكرى واحدة حلوة
فارس:- مش سهل عليا انساكى
اميرة :- انت ها تفضل فكرنى بس ذى اختك يا فارس وانت ذى اخويا بالضبط لان صعب الجرح يداوى
اميرة :- لا اله الا الله
فارس:- بحبك يا اميرة
اميرة :- وانا كمان ....سلام يا فارس

اتالم فارس اوى اوى اوى بعد الكلام اللى سمعه من اميرة
وقد ايه هو كان ظالمها وعرف وقدر دلوقتى بس بعد يا خسارة بعد فوات الاوان
كملت اميرة حياتها وكمل فارس حياته
وكل واحد قلبه متعلق بالتانى
وكل واحد بيحلم ب اللحظة اللى يشوف فيها التانى
بيعرفوا اخبار بعض من بعيد لبعيد
وف يوم وبدون اى ميعاد
وكأن القدر بيعذبهم حتى فى بعدهم
ماشى الفارس
وماشية الاميرة
بيشوفها جاية عليه من بعيد
بتشوفه جاى عليها من بعيد
الاتنين بيبتسمواااا
ومش قادرين يغمضوااا عنيهم
بتمر اميرة من قدام عيونه ذى الاميرة
بيدور وشه وبيبص عليها
بيلاقيها واقفة تبص عليه
ياااااااا
كانت صعبة اوى عليه اللحظة ديه
بتبتسم وبتكمل طريقها
بيبتسم وبكمل طريقة
وبيقول وهو ماشى

نفسى تانى اقابلة .. قلبى طول مانا وياه مرتاحلة
نفسى من تانى اقابلة .. وان مرضيش خليه يا قلبى كدا على راحتة
مالى انا ومالك ايه علقنى بيك
ولية دايما مش فاهم اقرا اللى فى عنيك
حيرت قلوب كتير وشاغلنى وياك
وانا ميجيش فى بالى اعشق قلوب وانساك
نفسى اقابلة .. قلبى طول منا وياة مرتاحلة
نفسى نفسى اقابلة
وان مرضيش خالية يا قلبى كدا على راحته
اى بيدور فى بالك وايه اللى حاسس بيه
سؤال بيدور فى بالى ليالى تقدر تقولى علية
قلبك اكيد فى يوم حس بقلوب تانيه..
يا ريت قلبى كان فيهم تحس بية لو ثانية

وبتنتهى قصتنا واحنا مش عارفين يا ترى
ربنا ها يجمع قلبهم
ولا هى سعادتهم فى بعدهم

<< النهاااااااااااية >>

ثااااااااانكس يا كبير
على القصه الرائعه
ومنتظرين كل جديد

V.I.P مشاركات : 1610 العمر : 32

ثانكس و الله علي القصه الروعه دي
و منتظرين منك قصص تاني
و الف الف الف شكر

thanks medo medo
منورين التوبيك

no comment

(¯`v´¯)-»الجزء الأخيررررررررر(¯`v´¯)-» من الأميرة والفارس(¯`v´¯)-» 682941

V.I.P مشاركات : 460 العمر : 33

بجد حلوة قوووووووووووووووووووووى
تسلم ايديك

ربنا يخليكي ياوردة
منورين التوبيك ياجماعة