منتديات فن اون لاين - FanOnLine


فن اون لاين | افلام عربي | افلام اجنبي | اغاني عربى | شعبي | كليبات | برامج | اسلاميات | صور | تحميل افلام | اغاني اجنبى | احدث الالعاب | موبايل
 
الرئيسيةالرئيسية  fanfan  س .و .جس .و .ج  بحـثبحـث  المجموعاتالمجموعات  التسجيلالتسجيل  دخولدخول  

شاطر | 
 

 "صبح صبح يا عم الحج"!!

اذهب الى الأسفل 
كاتب الموضوعرسالة
Mido
|| الإِدَارهـَ ||
|| الإِدَارهـَ ||
avatar

مشاركات : 8391

العمر : 25


مُساهمةموضوع: "صبح صبح يا عم الحج"!!   السبت سبتمبر 19, 2009 5:03 pm


لو كنت اشتغلت قبل كدة مدرس أو بتفكر تشتغل فلا بأس مطلقا... إليكم خلاصة تجربتي.. كمدرس.. مسكين.. أقصد.. جامد قوي...




أولا

لازم تكون صاحب عينين واسعتين ويستحسن ماتكونش

ملونة ولازم تتعود تبرق دايما ولما تتنرفز عينك تطق شرار

"لزوم إرهاب التلاميذ عصافير الجنة!".
قال عصافير الجنه قال




ثانيا

يجب أن تكون بصحة جيدة وخاليا من الأمراض البسيطة
والمستعصية. وخصوصا الأمراض النفسية ولابد أن تكون متفائلا زيادة عن اللزوم "عشان القهر اللي هتشوفه يعني!"




ثالثا

تكون عندك مناعة قوية ضد الأمراض بداية من أمراض الشتا والبرد لأن الفصل عندك

مش هيبطل كحكحة "كح كح" وعطس "أتشووو".. انتهاء بأمراض الغدة والجدري والحصبة. وكل أمراض العيال الحلوين!




رابعا

أمن على حياتك بمبلغ محترم. وماتقلقش على الأقساط مش هتلحق تدفع قسطين على بعض... ومبروك مقدما للورثة!




خامسا

اوعى تدخل الفصل وموبايلك مفتوح علشان لو جالك مكالمة مش هتسمع كلمة من الدوشة والهيصة والزمبليطة اللي

هيعملوها الأولاد علشان يبينوا للي
سيادتك بتكلمه قد إيه إنت شخصيتك قوية ومسيطر عليهم!.. ويا عيني بقى لو
كان اللي على التليفون الجو ولا المدام ولا أخوك الصغير


يبقى ضمنت إنك في البيت كمان هتعيش مغلوب على أمرك!
ويا ويلك يا سواد ليلك لو جالك "ميسد" بس مش هتخلص من التريقة عليك وعلى اللي رن لك وعلى بخل الناس في الأيام دي.
الحاجة الوحيدة اللي ممكن تستفيد فيها من الموبايل إنك تلعب games في أوقات فراغك!



سادسا

إنت محتاج عصاية من النوع اللي بيعمل صوت مرعب في الهواء تهوش بيها بس.

وخليك فاكر إن الضرب ممنوع بقرار من الوزارة.. بدل ما يقوم عيل مفعوص يفكرك بيها وعلى شفتيه ابتسامة تحمل خبث الدنيا كلها.




سابعا

لو عندك استشارة عن عطل عندك في الكمبيوتر أو الموبايل أو البلاي استيشن

ماتروحش بعيد لأن عندك دكاترة متخصصين ورؤساء قسم في الفصل بتاعك ومستعدين لخدمة سعادتك والتوصيل للمنازل كمان.. وكله
بالمجان!

ثامنا

اوعى.. وبكرر اوعى تسأل السؤال ده.. "نفسك تبقى إيه يا حبيبي لما تكبر؟".
على غرار ما كان يفعله معنا مدرسونا

زمان.. لأن الإجابة ستفجعك وهتنسد نفسك عن الحياة كلها!

فلن تخرج الإجابة عن: هو حد لاقي شغل الأيام دي لما احنا هنلاقي.. أو عايز أشتغل "نانسي عجرم".. قصدي أغني زي "نانسي عجرم"!!!! مش قلت لك بلاش تسأل..



تاسعا

لو بتفكر تدي درس خصوصي.. فلازم تعرف إن نظام الدروس في ابتدائي نظام


عجيب جدا لو عرفته الأمم المتحدة لضربتنا بصاروخين أرض جو!.. لأن لو سعادتك

فكرت تدي درس ولو إن تخصصك لغة

عربية مثلا فهتلاقي ولي الأمر يقول لك: "أنا عايزك تدي له كل المواد على بعض يا بلاش! "شروة يعني على بعضها".

فستجد نفسك مطالبا بشرح العربي والحساب والعلوم والدراسات والإنجليزي... يعني لو إنت كنت متعقد من مادة معينة من
صغرك؛ وحمدت ربنا وشكرته إنك خلصت منها ودخلت كلية

بعيدة كل البعد عنها، فلا وألف لا! المادة دي مش هتسيبك في حالك وبدل ما كنت زمان مغصوب إنك تذاكرها وتفهم اللي تفهمه

على قد ما تقدر وتطنش اللي ماتفهموش وتحشر مخك بالمعلومات وتخش اللجنة

تفضي دماغك في الورقة وتخرج من اللجنة دماعك أبيض يا ورد، فدلوقتي الكلام ده

ماينفعش.. إنت لازم تذاكر وتفهم كل حاجة وتحاول تبحث وتنقب عن كل خفايا المادة

دي وإلا لو سألك تلميذك النجيب عن أي سؤال وماعرفتش هتبقى في نظره زي الـ.... الـ..... ولا بلاش!

فخليك شطور وراجع اللي فاتك واللي ماتعلمتوش زمان جه الوقت اللي هتتعلمه

فيه رضيت أم أبيت!!!!!

وماتقولش

التعليم كان زمان.. النهارده ممكن تتعلم
قبل ما يفوت الأوان.. فصول محو الأمية في كل مكان!



عاشرا


خليك الشاب الروش واعرف الدنيا ماشية ازاي واتعلم الروشنة من طلبة الفصل

بتوعك.. مش عيب إنك تتعلم منهم زي ما
بتعلمهم، بدل ما تبقى واقف في الفصل مش فاهم حاجة من اللي بيقولوها..

ولو مكسوف ونفسك مش مطاوعاك تسأل المفاعيص دول.. عندك "اللمبي"

و"عوكل" و"بوحة" اشتري الأفلام

واسهر عليها واحفظها عن ظهر قلب
وبعدين اقف قدام المرايا واتدرب على

تحية الصباح الجديدة واترحم على تحية

صباح زمان أيام ما كان المدرس من دول
يدخل الفصل ويقول: "صباح الخير".. فيرد عليه الفصل في نفس واحد ولا أحسن
أوركسترا: "صباح النور على البنور يجعل صباحنا هنا وسرور"...

فده كان زمان وراح لحاله.. من هنا ورايح ادخل الفصل واملأ صدرك بنسيم الصباح


وبصوت ملعلع كده قول:


















"صـبح صـبح يا عم الـحـج"!!








ملحوظه
الموضوع للامانه منقول من مدرسه زميله
بس معلش طبعا انا غيرت من التانيث للتذكير

واسف طبعا لانى معرفش اسمها


<br>
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fanonline.yoo7.com
MidoPop2010
V.I.P
V.I.P
avatar

مشاركات : 1610

العمر : 26


مُساهمةموضوع: رد: "صبح صبح يا عم الحج"!!   السبت سبتمبر 19, 2009 8:38 pm

هههههههههههههههههه

يا جامد انا لازم اتعلم الحاجات دي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الوردة الباكية
V.I.P
V.I.P
avatar

مشاركات : 460

العمر : 27


مُساهمةموضوع: رد: "صبح صبح يا عم الحج"!!   الثلاثاء سبتمبر 22, 2009 5:46 pm

اللى هيدرس ويشوف اللى انت كاتبة

هيلعن اليوم اللى درس فيه وهيسيب التدريس

ايه الرعب اللى انت عاملة دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.fanonline.yoo7.com
Sweet_Girl
عاشقه حماقى + دلــوعه الـمنتدى
عاشقه حماقى + دلــوعه الـمنتدى
avatar

مشاركات : 5775

العمر : 23


مُساهمةموضوع: رد: "صبح صبح يا عم الحج"!!   الأربعاء سبتمبر 23, 2009 7:18 am

هههههههههههههههههه
ثااااااااانكس على الموضوع


[ندعوك للتسجيل في المنتدى أو التعريف بنفسك لمعاينة هذا الرابط]
in-love in-love in-love in-love
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fanonline.yoo7.com
 
"صبح صبح يا عم الحج"!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات فن اون لاين - FanOnLine :: المنتدى الترفيهى Forum entertainment l :: الضحك والفرفشه - Laughter and fun-
انتقل الى:  

Powered by AhlaMontada® Version 3.8.4 .Copyright © 2000 - 2010

All Right Reserved Design to FanOnLine . MeRo & MiDo

فن اون لاين | افلام عربي | افلام اجنبي | اغاني عربى | شعبي | كليبات

الوقت الان بتوقيت القاهرة :

Facebook